जिल्हा परिषदच्या माध्यमातून पालकमंत्री ना.उदयजी सामंत यांच्या उपस्थितीत विविध पुरस्कार वाटप

(रत्नागिरी /  प्रतिनिधी)

रत्नागिरी जिल्हा परिषद शिक्षण विभागाच्या माध्यमातून विविध पुरस्कार राज्याचे उद्योगमंत्री रत्नागिरीचे पालकमंत्री ना.उदयजी सामंत यांच्या उपस्थितीत संपन्न झाला.

यावेळी जिल्हा परिषद प्राथमिक शाळेतील विद्यार्थ्यांची ISRO या भारतीय व NASA या अमेरिकन अंतराळ संशोधन संस्थेस भेट दिलेल्या २७ विद्यार्थ्यांचा कौतुक व गुणगौरव तसेच आदर्श शाळा व आदर्श केंद्रप्रमुख पुरस्कार प्रदान सोहळा आणि शिवछत्रपती पुरस्कारासाठी नामनिर्देशित खेळाडूंच्या सत्कार समारंभास,आदर्श शिक्षक पुरस्कार वितरण सोहळा,असे अनेक उपक्रम आज स्व. शामराव पेजे सभागृह, जिल्हा परिषद रत्नागिरी येथे संपन्न झाला.

या कार्यक्रमाला राज्याचे उद्योगमंत्री रत्नागिरीचे पालकमंत्री ना.उदयजी सामंत, पोलीस अधीक्षक धनंजय कुलकर्णी, मुख्य कार्यकारी अधिकारी जिल्हा परिषद कीर्तिकीरण पुजार, शिक्षणाधिकारी रत्नागिरी, जिल्हाप्रमुख राहुल पंडित आदी उपस्थित होते