(खेड / प्रतिनिधी)
शनिवार दिनांक २ सप्टेंबर रोजी क्रीडा व युवक सेवा संचनालय महाराष्ट्र राज्य पुणे जिल्हा क्रीडा अधिकारी कार्यालय, रत्नागिरी अंतर्गत जिल्हा क्रीडा परिषद द्वारे आयोजित जिल्हास्तरीय शालेय योगासन स्पर्धा रा. भा. शिर्के प्रशाला, रत्नागिरी येथे संपन्न झाली. यामध्ये रोटरी इंग्लिश स्कूलच्या विद्यार्थ्यांनी ५ सुवर्ण पदके व १ कांस्य पदक पटकावून शाळेचे नाव रोशन केले आहे.
या जिल्हास्तरीय शालेय योगासन स्पर्धेत तब्बल १००० खेळाडूंनी सहभाग नोंदविला होता. यामध्ये १४ वर्षे मुली या वयोगटामध्ये कु. प्रांजल आंबेडे हिने ट्रॅडिशनल या योग प्रकारात सुवर्णपदक तसेच आर्टिस्टीक सिंगल या योगप्रकारात सुवर्णपदक, १७ वर्षे मुले या वयोगटामध्ये कु. विनीत गोरे याने ट्रॅडिशनल या योग प्रकारात सुवर्णपदक तसेच रिदमिक या योगप्रकारात सुवर्ण पदक, १७ वर्षे मुली या वयोगटामध्ये कु. अनुष्का म्हातले हिने आर्टिस्टीक सिंगल या योग प्रकारात सुवर्णपदक व ट्रॅडिशनल या योग प्रकारात कांस्यपदक पटकावून यश संपादित केले.
