(राजापूर)
१५ वी रत्नागिरी जिल्हा ओपन चॅलेंज क्युरोगी व पुमसे तायक्वांदो चॅम्पियनशीप २०२२ स्पर्धा राजापूर येथे मोठ्या दिमाखात पार पडली. रत्नागिरी जिल्ह्यात पार पडलेल्या या स्पर्धेत खेड तालुक्यातील नवभारत इंग्लिश मिडीयम स्कूलच्या विद्यार्थ्यांनी सहभाग घेऊन पदकांची कमाई केली आहे.
यामध्ये समर्थ सकपाळ याने गोल्ड मेडल, प्रशिल जाधव याने सिल्वर मेडल, सिद्धी बेंडूकडे हिने सिल्वर मेडल, तर सृष्टी भुवड आणि श्रीतेज भुवड या बहिण – भावाने ब्राँझ मेडल पटकावले आहे. या सर्व विद्यार्थ्यांना तेजस भैरवकर, प्रसाद सावंत यांचे मार्गदर्शन लाभले. या उत्तुंग यशाबद्दल या विद्यार्थ्यांचे सर्वच स्तरातून कौतुक होतं आहे.
