(तरवळ / अमित जाधव)
रत्नागिरी जिल्हा तायक्वांदो स्पोर्ट्स असोसिएशनच्या मान्यतेने तायक्वांदो स्पोर्ट्स अकॅडमी ऑफ दापोली आयोजित 16 वी क्युरोगी व 10 वी पूमसे रत्नागिरी जिल्हा खुली चॅलेंज तायक्वांदो स्पर्धा सन 2023 सेवाव्रती शिंदे गुरुजी सभागृह नवछात्रालय शिवाजी नगर दापोली या ठिकाणी दिनांक 25 ते 27 एप्रिल दरम्यान आयोजित करण्यात आली होती. या स्पर्धेमध्ये संगमेश्वर, रत्नागिरी, लांजा, राजापूर, चिपळूण, खेड, दापोली, मंडणगड, गुहागर, तालुक्यांमधून सुमारे 450 खेळाडू सहभागी झाले होते.
ही स्पर्धा जिल्हा संघटना अध्यक्ष राज्य संघटना खजिनदार व्यंकटेश्वरराव कररा, जिल्हा उपाध्यक्ष विश्वदास लोखंडे, जिल्हा सचिव लक्ष्मण के., जिल्हा कोषाध्यक्ष शशांक घडशी., पंच प्रमुख भारत कररा, कृणाल चव्हाण, दापोली तालुक्याचे अध्यक्ष स्वप्नील येलवे, उपाध्यक्ष संकेत जळगावकर सचिव गणेश पवार, कोषाध्यक्ष अनिकेत पाथरे, क्लब अध्यक्ष सचिन गायकवाड यांच्या प्रमुख मार्गदर्शनाखाली मोठ्या उत्साहात संपन्न झाली.
या स्पर्धेत रत्नागिरी तालुक्यातील जाकादेवी येथिल डॉ. नानासाहेब मयेकर तायक्वांदो क्लबने अतिशय उत्कृष्ट कामगिरी केली. या स्पर्धेत खालील खेळाडूंनी सुयश संपादन केले स्पेशल कॅटेगरी फाईट प्रकार शांभवी उरूनकर -(सुवर्णपदक) शिवण्या रनदिवे-(रौप्यपदक) सोहम बोरकर (सुवर्ण पदक) आराध्य उरूनकर (रौप्य पदक) पूमसे प्रकार जोडी आराध्य उरूनकर शांभवी उरूनकर (दोन्ही रौप्य पदक) या यशस्वी खेळाडूंना प्रशिक्षक रुपेश तावडे यांचे मार्गदर्शन लाभले.
खेळाडूंनी मिळविलेल्या यशाबद्दल क्लब अध्यक्ष रत्नागिरी जिल्हा कृषी बाजार समिती चे संचालक रोहीत मयेकर, मालगुंड एज्युकेशन सोसायटी चे चेअरमन बंधू मयेकर, सचिव विनायक राऊत, राज्य संघटना खजिनदार व्यंकटेश्वर राव कररा , जिल्हा संघटना उपाध्यक्ष विश्वदास लोखंडे, सचिव लक्ष्मण के, कोषाध्यक्ष शशांक घडशी, तालुका अध्यक्ष राम कररा, बिपिन परकर, पांडुरंग धोंगडे, सुरेश रणदिवे, डॉ. नम्रता उरूनकर यांनी अभिनंदन केले व पुढील वाटचालीस शुभेच्छा दिल्या आहेत.
