(रत्नागिरी/प्रतिनिधी)
रत्नागिरी तालुक्यातील जाकादेवी येथे अवैध जुगार अड्ड्यावर धाड टाकून पोलिसांनी एकाला ताब्यात घेतले आहे. संदीप गणपत चंदरकर (34, तरवळ कुळ्येवाडी) असे ताब्यात घेण्यात आलेल्या तरुणाचे नाव आहे. त्याच्याकडून जुगाराचे साहित्य व रोख रक्कम हस्तगत करण्यात आली आहे.
ही कारवाई 8 डिसेंबर रोजी सायंकाळी 5 वा. वाजण्याच्या सुमारास करण्यात आली. या प्रकरणी ग्रामीण पोलीस ठाण्यात गुन्हा दाखल करण्यात आला आहे. याबाबतची फिर्याद पोलीस हेडकॉन्स्टेबल महेंद्र खापरे यांनी रत्नागिरी ग्रामीण पोलीस ठाण्यात दिली.
