(चिपळूण/प्रतिनिधी)
चिपळूण तालुक्यातील तळसर येथे जंगलात एका व्यक्तीवर अस्वलाने हल्ला करुन जखमी केल्याचा प्रकार समोर आला आहे. ही घटना 6 एप्रिल रोजी सकाळी 11.30 वा. च्या सुमारास घडली.
तळसर येथे गुरे चरविण्यासाठी गेलेल्या बाबू ढेबे या 40 वर्षीय युवकावर अस्वलाने अचानक हल्ला चढवला. अचानक झालेल्या हल्ल्याने बाबू ढेबे घाबरुन गेले. गोंधळलेल्या स्थितीत काय करावं काहीच कळत नव्हतं. अस्वलाने त्यांच्या दोन्ही हातांना फाडले आणि पोटावरही जखमा केल्या. यावेळी त्यांनी आरडाओरडा केला. ही माहिती ग्रामस्थांना त्यांनी त्या दिशेने धाव घेतली. जखमी ढेबे यांना तत्काळ शिरगाव येथील रुग्णालयात उपचारासाठी दाखल करण्यात आले. यानंतर या घटनेची वनविभागाला माहिती देण्यात आली.
