(चिपळूण /ओंकार रेळेकर)
भारतीय जनता पार्टी उत्तर रत्नागिरी जिल्हा उपाध्यक्षा , माजी नगराध्यक्षा सुरेखाताई खेराडे यांच्या संकल्पनेतून भारतीय जनता पार्टी चिपळूण शहर, चिपळूण तालुक्याच्या वतीने भव्य मंगळागौरी स्पर्धा उद्या रविवार दिनांक २७ ऑगस्ट २०२३ रोजी दुपारी दोन ते सायंकाळी आठ वाजेपर्यंत राधाताई लाड सभागृह, वैश्य भवन, खेंड चिपळूण या ठिकाणी आयोजित करण्यात आली आहे. या मंगळागौरी स्पर्धेसाठी प्रथम क्रमांक – २५००० , रू. व सन्मानचिन्ह, द्वितीय क्रमांक – १५००० रू. व सन्मानचिन्ह, तृतीय क्रमांक – ११,००० रू. व सन्मानचिन्ह तसेच उत्तेजनार्थ दोन बक्षिसे तसेच उत्कृष्ट सादरीकरणासाठी अनेक वैयक्तिक बक्षिसे अशी भव्य बक्षिसांची लयलूट केली जाणार आहे. सहभागी होणाऱ्या ग्रुपचाही सन्मान राखला जाणार आहे. या मंगळागौरी स्पर्धेत जवळपास निवडक १७ महिला ग्रुप सहभागी झालेले आहेत.
या मंगळागौरीच्या स्पर्धेच्या उद्घाटनप्रसंगी तसेच बक्षीस वितरण समारंभाला भाजपा प्रदेश महिला मोर्चा अध्यक्षा मा. चित्राताई वाघ उपस्थित राहणार आहेत.याचबरोबर भारतीय जनता पार्टी जिल्हाध्यक्ष केदार साठे, माजी आमदार बाळ माने, डॉ.विनय नातू, महिला मोर्चा प्रदेश उपाध्यक्षा सौ.नीलमताई गोंधळी, सौ. आसावरी पेडणेकर (संचालिका, जगन्नाथ गंगाराम पेडणेकर ज्वेलर्स), साक्षी दीपक मोरे( स्वामी समर्थ सर्व्हिसेस,लोटे), साक्षी संजय पाकळे, मेघा सचिन पाकळे यांची प्रमुख उपस्थिती लाभणार आहे.
