(चिपळूण/प्रतिनिधी)
सावर्डे कुंभारवाडी येथे कचरा टाकण्यावरुन झालेल्या वादावादीत 49 वर्षीय वृध्दावर कोयतीने वार केल्याची घटना घडली आहे. ही घटना 12 मे रोजी सकाळी 8 वा. च्या सुमारास घडली. याबाबतची फिर्याद रामचंद्र चव्हाण (49, सावर्डे, कुंभारवाडी, चिपळूण) यांनी येथील पोलीस स्थानकात दिली.
पोलिसांनी दिलेल्या माहितीनुसार, रामचंद्र चव्हाण हे कोयतीने नारळाच्या झावळयांचे हिर काढून कचरा टाकत होते. तेवढयात मारुती चव्हाण, महेश चव्हाण, रोहित चव्हाण (सर्व रा. सावर्डे, कुंभारवाडी, चिपळूण) यांनी कचरा टाकायचा नाही, जमीन आमची आहे असे म्हणत दमदाटी केली. मारुती चव्हाण हा कोयती घेवून अंगावर धावून गेला. याचवेळी महेश चव्हाण याने त्याच्या हातातील कोयती ओढून घेत रामचंद्र चव्हाण यांच्या डाव्या हाताच्या तीन बोटांवर व डोक्यात मारुन जखमी केले.
याबाबतची फिर्याद रामचंद्र चव्हाण यांनी दाखल केल्यानंतर मारुती, महेश, रोहित या तिघांवर भादविकलम 324, 506, 34 अन्वये गुन्हा दाखल करण्यात आला.
