चिपळुणात आंबे काढल्याच्या रागातून कोयतीने मारहाण

(चिपळूण)

सामाईक जमिनीतील आंब्याच्या झाडावरुन आंबे काढल्याने एकास कोयतीने मारहाणी केल्याचा प्रकार सोमवारी सावर्डे-बागवेवाडी येथे घडला. विठ्ठल अर्जून बागवे (सावर्डे-बागवेवाडी) असे गुन्हा दाखल झालेल्याचे नाव आहे.

विठ्ठल बागवे व मारहाण झालेली व्यक्ती हे नात्याने पुतणे व चुलते आहेत. ते एकमेकांच्या शेजारी राहणारे असून त्यांच्यात 7 ते 8 वर्षापासून सामाईक जमिनीच्या वाटपावरुन वादविवाद असून ते एकमेकांशी बोलत नाहीत. असे असताना सामाईक जमिनीतील आंब्याच्या झाडावरील काही आंबे काढले. या रागातून विठ्ठल बागवे याने कोयतीने मारहाण केली. या प्रकरणी मारहाण करणाऱ्यावर सावर्डे पोलीस स्थानकात गुन्हा दाखल करण्यात आला आहे.