(चिपळूण)
तालुक्यातील कान्हे-कदमवाडी येथून 70 वर्षीय वृध्द महिला बेपत्ता झाल्याची घटना घडली आहे. वासंती विठ्ठल कदम (70, कान्हे-कदमवाडी) असे बेपत्ता झालेल्या महिलेचे नाव आहे. याबाबतची फिर्याद विठ्ठल चंदू कदम (74, कान्हे-कदमवाडी) यांनी दिली.
पोलिसांनी दिलेल्या माहितीनुसार, वासंती कदम यांना मानसिक आजार असल्याने त्या कोणालाही न सांगता 17 जानेवारी रोजी पहाटे 5 वाजता राहत्या घरातून निघून गेल्या. त्यांचा शोध घेतला असता त्या कोठेही सापडल्या नाहीत. वासंती कदम यांनी लालसर रंगाची डिझाईनची सहावारी साडी, ब्लाऊज, गळ्यात दोन डवली व काळे मणी असलेले नकली मंगळसूत्र, पायात प्लास्टीकची चप्पल, असा पेहराव आहे. तसेच डोक्यावरील केस पांढरे आहेत. अशा वर्णनाची व्यक्ती आढळून आल्यास अलोरे-शिरगाव पोलीस ठाण्यात संपर्क साधण्याचे आवाहन करण्यात आले आहे.
