(जाकादेवी / संतोष पवार)
श्री चंडिका देवी क्रिकेट टीम कळझोंडी गणेशवाडी आयोजित भव्य ओपन अंडरआर्म क्रिकेट स्पर्धेत गडनरळ येथील युवा प्रतिष्ठान संघ अंतिम विजेता तर मंगलमूर्ती कोंड्ये संघ उपविजेता ठरला.
प्रमुख उपस्थितीमध्ये गावचे गावकर श्री. सदानंद निंबरे, कारभारी श्री. शंकर निंबरे, वाडी फौजदार श्री. दत्ताराम निंबरे आणि चंडिका क्रिकेट टीमचे सर्व खेळाडू यांच्या उपस्थितीत प्रथम श्री रांभोळकरीण देवीला श्रीफळ व पुष्पहार अर्पण करून स्पर्धेचे उद्घाटन दिनेश निंबरे यांच्या हस्ते श्रीफळ वाढऊन करण्यात आले.
या स्पर्धेत एकूण २४ संघानी सहभाग घेतला होता . तिसऱ्या पर्वाचा मानकरी ठरलेला विजेता संघ स्वराज्य युवा प्रतिष्ठान, रत्नागिरी ( गडनरळ), यांना श्री. अमेय पवार आणि श्री राजेश सावंत यांच्या हस्ते विजेता चषक देऊन गौरवण्यात आले, तसेच उपविजेता संघ मंगलमूर्ती कोंड्ये यांना शाहीर श्री दामोदर गोपाळ गोरीवले यांच्या हस्ते चषक देऊन गौरविण्यात आले. उपस्थित ग्रामस्थ, देणगीदार आणि क्रिकेटप्रेमी यांचेश्री चंडिका देवी क्रिकेट टीम तर्फे आभार मानण्यात आले.
फोटो – अंतिम विजेता ठरलेला स्वराज्य युवा प्रतिष्ठान गडनरळ संघ
