(संगलट-खेड/इक्बाल जमादार)
संगमेश्वर तालुक्यातील पाचंबे येथे गोठ्यावर वीज पडून सुकलेल्या गवताने पेट घेऊन लागलेल्या आगीत 13 जनावरे जळून मृत्युमुखी पडली. ही दुदैवी घटना शुक्रवारी घडली, यामध्ये मालकाचे सुमारे 10 लाखांचे नुकसान झाले आहे.
जिल्हा प्रशासनाने दिलेल्या माहितीनुसार, शुक्रवारी दि. 8 जुलै रोजी रात्री मौजे पाचांबे (नेदरवाडी) ता. संगमेश्वर येथे श्री. संजय महिपत जाधव यांच्या मालकीच्या गोठ्यावर वीज पडून गोठ्यातील वाळलेल्या चाऱ्याने पेट घेतला आणि आग लागली. यात गोठ्यातील 13 जनावरे मृत्युमुखी पडली आहेत. याबाबत पंचांकडून पंचनामा करण्यात आला आहे
