(गुहागर)
तालुका प्रेस क्लबच्या अध्यक्षपदी दिनेश चव्हाण उपाध्यक्षपदी गणेश किर्वे यांची फेरनिवड करण्यात आली. गुहागर तालुका प्रेस क्लब गुहागरची वार्षिक सभा शृंगारतळी येथे झाली.
या सभेच्या अध्यक्षस्थानी प्रेस क्लबचे सल्लागार निसार खान होतें. सभेच्या प्रारंभी मृत पावलेल्या व्यक्तींना श्रद्धांजली वाहण्यात आली. प्रेस क्लबचे सचिव सुरेश आंबेकर यांनी मागील सभेचे इतिवृत्त वाचन केले व त्याला मंजुरी घेण्यात आली जमाखर्चाचा आढावा सादर करण्यात आला. या सभेमध्ये पुढील दोन वर्षासाठी नूतन कार्यकारणीची निवड करण्यात आली. यामध्ये अध्यक्षपदी दिनेश चव्हाण यांची तिसऱ्यांदा फेरनिवड करण्यात आली तसेच उपाध्यक्षपदी गणेश किर्वे यांचीही चौथ्यांदा फेरनिवड करण्यात आली. सचिव पदी योगेश तेलगडे सहसचिव पदी प्रशांत चव्हाण खजिनदारपदी सुरेश आंबेकर सह खजिनदारपदी गजानन जाधव तर सदस्यपदी उमेश शिंदे, विनोद चव्हाण, उत्तम पवार, अमोल पोवळे, तर सल्लागारपदी निसार खान व पराग कांबळे यांची एक मताने निवड करण्यात आली. नूतन कार्यकारणीचे अभिनंदन करण्यात आले.
६ जानेवारी पत्रकार दिन साजरा करण्याबाबत चर्चा करण्यात आली. यावेळी प्रेस क्लबचे अध्यक्ष दिनेश चव्हाण यांनी पुढील काळामध्ये सर्व पत्रकार बंधून विश्वासात घेऊन काम करणार असल्याच सांगितले. सभेचे अध्यक्ष व सल्लागा निसार खान यांनीही आपले मनोगत व्यक्त केले. शेवटी संस्थेचे खजिनदार सुरेश आंबेकर यांनी सर्वांचे आभार मानून सभेची सांगता केली.
