(खेड/ भरत निकम)
महामार्गावरील गुणदेफाटा येथील मटका जुगार अड्ड्यावर पोलीसांनी छापा टाकून एकास अटक केली आहे. मुंबई गोवा महामार्गावरील गुणदेफाटा येथे युनिसॅंको केमिकल कंपनीसमोर जुन्या पडक्या इमारतीत सोनगाव, बौध्दवाडीतील विशाल विलास मोहिते (वय-४०) हा कल्याण नावाने शुभअंक घेऊन मटका जुगार खेळत होता. स्वतःच्या फायद्यासाठी त्याने हा उद्योग सुरु केला असून त्याला येथील पोलीसांनी रंगेहाथ पकडून ताब्यात घेतले होते. त्याच्या विरोधात महाराष्ट्र जुगार कायदा कलम १२ (अ) अन्वये गुन्हा दाखल करण्यात आला आहे. खेड पोलीस अधिक तपास करीत आहेत.
