(गावखडी / दिनेश पेटकर)
रत्नागिरीत तालुक्यातील गावखडी येथील जागृत देवस्थान श्रीदेव रामेश्वर मंदिरात महाशिवरात्र महोत्सवानिमित्त श्रीदेव रामेश्वरा च्या दर्शनासाठी भाविकांची अलोट गर्दी उसळली आहे.
श्रीदेव रामेश्वर उत्सव मंडळाच्या गावखडी च्या वतीने ग्रामस्थ भाविक यांच्या सहकार्यातून भक्तिभावाने मांगल्य, एकोप्याने मोठ्या दिमाखात गावखडी रामेश्वर मंदिरात महाशिवरात्र महोत्सव साजरा करण्यात आला. आज महाशिवरात्रीच्या दिवशी अकरा खांबांची आणि एकवीस पायली तांदळाची महापूजा बांधण्यात आली आहे. ही तांदळाने बांधलेली महापूजा हे भक्तिगणांचे आकर्षणच असते. आज सकाळपासून महिलांसाठी हळदीकुंकू, देवाचा खिचडी प्रसाद, तीर्थप्रसाद भाविकांना रामेश्वर मंदिरात दिला जात आहे.
आज शनिवार दिनांक 18 फेब्रुवारी 2023 रोजी पहाटे 5 वाजता लघुरूद्, शिवपूजा, सकाळीच 8 वाजल्यापासून क्रिडा स्पर्धा सकाळीच 9 वाजल्यापासून शिवदर्शन, 9 वाजता स्थानिक भजने, सकाळीच दहा वाजल्यापासून महिलांना हळदीकुंकू समारंभ, दुपारी 2:30 वाजता पुराण कथन श्री प्रकाश फडके, दुपारी 3:30 वाजता कीर्तन ह.भ.प. श्री निवास उर्फ बापू हर्डीकर राजापूर, रात्री 8:00 वाजता भोवती आरती मानकरी शिवगणवाडी, पेटकर वाडी , सुतारवाडी, मुडेवाडी, रात्री 10:30 वाजता नाट्य प्रयोग “प्रेम कराव पण जपून” सादरकर्ते सिध्दाई कान्हाई रंगभूमी गावखडी सादर करणार आहेत
गावखडी येथील श्रीदेव रामेश्वर हे महाराष्ट्रातील प्रसिद्ध तीर्थक्षेत्र असून जागृत देवस्थान व भक्तांचे श्रद्धास्थान आहे आज महाशिवरात्र महोत्सवानिमित्त भाविकांची अलोट गर्दी दिसून येत आहेत.
फोटो : गावखडी येथील श्री देव रामेश्वर मंदिरात महाशिवरात्रीनिमित्त अकरा खांबांची आणि एकवीस पायली तांदळाची महापूजा बांधण्यात आली आहेत पहिल्या छायाचित्रात तर दुसऱ्या छायाचित्रात दर्शनासाठी भाविकांची गर्दी रांग
छायाचित्र : दिनेश अनंत पेटकर, गावखडी
