मुंबई-गोवा राष्ट्रीय महामार्गावर बुधवारी सायंकाळी साडेचार वाजण्याच्या सुमारास खेड तालुक्यातील कळंबणी गावानजीक भरधाव कारचालकाचे नियंत्रण सुटल्याने ती उलटली. या अपघातात दोघे जण जखमी झाले आहेत. याबाबत घटनास्थळावरून मिळालेल्या माहितीनुसार मुंबई-गोवा राष्ट्रीय महामार्गावर खेड तालुक्यातील कळंबणी गावानजीक दि. १२ रोजी सायंकाळी ४.३० वाजता वेगात असलेल्या स्विफ्ट कारला हा अपघात झाला. या कारमधून प्रवास करणारे अभिलेश भोईर व नागेश भोईर हे दोघे गंभीर जखमी झाले. अपघातानंतर रुग्णवाहिकेतून जखमींना अलिबाग उपचारासाठी नेण्यात आले.
