( खेड / प्रतिनिधी )
चुलत भावाने मोबाईलवर घाणेरडे मेसेज पाठवल्याची विचारणा करण्यासाठी गेलेल् भावाने चुलती भांडणात पडल्याने चुलतीला मारहाण केल्याची घटना घडली आह याबाबतची फिर्याद संशयिताची चुलती प्राची प्रकाश चव्हाण (५२ , शिवतर रोडजवळ , खेड ) यांनी पोलीस स्थानकात दिली . सुहास सुरेश चव्हाण (शिवतर रोड ( खेड ) असे गुन्हा दाखल करण्यात आलेल्या तरुणाचे नाव आहे.
पोलिसांनी दिलेल्या माहितीनुसार, संशयित सुहास आणि प्राची हे दोघ नात्याने चुलती पुतण्या आहेत . ते एकाच घरात विभक्त राहत आहेत. प्राची यांच्या मुलाने आपल्या मोबाईलवरुन सुहास याच्या मोबाईलवर वाईट मेसेज पाठवला होता. त्याच्या मोबाईलवरील मेसेज पाहण्यासाठी सुहास हा त्यांच्या घरी गेला होता . यावेळी प्राची यांनी त्याला अडवले . तू त्याचा मोबाईल का बघतोस असे विचारले . यावरुन त्यांच्यात बाचाबाची झाली. सुहास याने कपडे धुण्याच्या धोपटयाने प्राची यांचा मुलगा प्रसाद चव्हाण याला मारहाण केली . प्रसाद याच्या डोक्यात धोपटा घातल्याने दखापत झाली. तसेच प्राची यांना ढकलून दिले. यामध्ये प्राची यांनाही मुका मार लागला . यापुढे माझ्या वाटेत गेलात तर तुम्हाला ठार मारुन टाकीन अशी धमकी त्याने दिली. प्राची यांनी दिलेल्या फिर्यादीनुसार सुहास सुरेश चव्हाण याच्यावर भादविकलम ३२४ , ३२३ , ५०४ , ५०६ अन्वये गुन्हा दाखल करण्यात आला आहे .
