खेड येथील भोस्ते घाटात ट्रकला अपघात

(खेड / इक्बाल जमादार )

मुंबई गोवा महामार्गावरील भोस्ते घाटात बुधवार 14 डिसेंबर रोजी सायंकाळी पुन्हा एकदा अपघात घडला. सिमेंटची पोती घेऊन जाणाऱ्या ट्रकला भोस्ते घाटातील अवघड वळणावर चालकाचा ताबा सुटल्याने हा अपघात झाला. ट्रक चालक सिमेंट घेऊन चिपळूणहून मुंबईच्या दिशेने चालला होता. यावेळी घाटातील तीव्र उतारावरील वळणावर चालकाला ट्रक कंट्रोल न झाल्याने वळणावर ट्रक पलटी झाला. ट्रक पलटी झाल्यावर सिमेंटच्या गोणी रस्त्यावर विखुरल्या गेल्या. या अपघातात चालक सुदैवाने बचावला. मात्र ट्रकचे मोठ्या प्रमाणात नुकसान झाले आहे. ट्रक चालकाचे नाव समजू शकलेले नाही.