(खेड/प्रतिनिधी)
खेड तालुक्यातील दुर्गम अशा अठरागाव धवडे येथील जि. प. शाळा अस्तान मावळतवाडी येथे इयत्ता पहिलीमध्ये नवीन दाखल होणार्‍या मुलांमध्ये व पालकांमध्ये जागृती व्हावी यासाठी आज शाळापूर्व तयारी मेळावा घेण्यात आला होता. या कार्यक्रमाच्या प्रमुख पाहुण्या म्हणून जि. प. च्या माजी सदस्या दर्शनाताई मोरे होत्या. तर या कार्यक्रमाचे अध्यक्षस्थानी विकास मोरे होते.
या कार्यक्रमात शाळेच्या मुख्याध्यापिका संपदा टाकळे यांनी सर्वांचे गुलाबपुष्प देउन स्वागत केले. शाळेतील शिक्षक बाळूसिंग राठोड यांनी कार्यक्रमाचे प्रास्ताविक केले. या कार्यक्रमात ब्रेन डेव्हलपमेंट स्कॉलरशिप परीक्षेत गोल्ड मेडल मिळवलेल्या संचिता सुनील पांगुळ हिचा सत्कार करण्यात आला. तर याच परीक्षेत उत्तुंग यश मिळवलेल्या तेजस्वीनी विकास साळुंखे हिचाही सत्कार शाळा व्यवस्थापन समितीचे अध्यक्ष विकास मोरे यांच्याहस्ते करण्यात आला.
