(खेड / प्रतिनिधी)
खेडमधील एमआयडीसी रोडवर उभ्या असलेल्या ट्रक व टँकरच्या दरवाजाचे लॉक तोडून आतील बॅटऱ्या चोरीस गेल्याची घटना घडली आहे. याबाबची फिर्याद सुरेश राजाराम ओतारी ( ५४, ओतारी , चिपळूण ) यांनी खेड पोलीस स्थानकात दिली. ही घटना ६ जुलै ते ७ जुलै दरम्याने घडली.
पोलिसांनी दिलेल्या माहितीनुसार, सुरेश ओतारी यांच्या मालकीचे ट्रक व युनियनच्या सदस्यांचे ट्रक तसेच तुषार प्रकाश गंगन ग्रास यांच्या मालकीचा टँकर असे रस्त्यावर उभे केलेले असताना ट्रक व दरवाजाचे लॉक तोडून अज्ञाताने १५०० रुपये किंम तीच्या ४ बॅटऱ्या, ४ हजार रुपयांच्या ३ बॅटऱ्या चोरीस गेल्या असे फिर्यादीत ओतारी यांनी नमूद केले आहे. त्यानुसार अज्ञातावर भादविकलम ३७ ९ नुसार गुन्हा दाखल करण्यात आला आहे .
