( खेड / प्रतिनिधी )
तालुक्यातील भोस्ते विराचीवाडी येथे घराचे दरवाजे तोडून घरातील साहित्याची चोरी केल्याची घटना समोर आली आहे . याबाबतची फिर्याद दिलीप राईन ( ६१ , भोस्ते विराची वाडी , खेड) यांनी पोलीस स्थानकात दिली . ही घटना २८ सप्टेंबर ते ५ ऑक्टोबर दरम्यान घडली . पोलिसांनी दिलेल्या माहितीनुसार , दिलीप राईन हे २८ सप्टेंबर ते ५ ऑक्टोबर दरम्यान मुंबईला गेले असताना त्यांच्या बंद घराच्या मागील बाजूचे दरवाजे फोडून चोरटयाने घरात प्रवेश केला . घरातील ४ हजार रुपये किंमतीचे दोन भरलेले भारत गॅस कंपनीचे सिलेंडर , २ हजार रुपयांची पितळेची टाकी , १ हजार रुपये किंमतीचे दोन तांब्याचे हांडे , १ हजार रुपये किंमतीचा पितळेचा एक आंबा फवारणीचा पंप असा एकूण ८ हजार रुपये किंमतीचा मुद्देमाल चोरट्याने लंपास केला . याबाबतची तक्रार राईन यांनी खेड पोलीस स्थानकात दिल्यानंतर पोलिसांनी अज्ञातावर भादविकलम ४५४ , ४५७ , ३८० नुसार गुन्हा दाखल केला आहे . अधिक तपास पोलीस हवालदार साळवी करत आहेत .
