“खेडचा राजा” समोर संगीत उपासकांची `पंचम सुर मधुर´

(खेड/ भरत निकम)

राजवैभव प्रतिष्ठान आणि महाराष्ट्र नवनिर्माण सेना खेड आयोजित गणेशोत्सव “खेडचा राजा” श्रीगणेशासमोर “गणेश आंबुर्ले प्रस्तुत… पंचम सुर मधूर” या संगीत उपासकांनी श्रीगणेशाचरणी संगीत मैफिल सादर करून संगीत सेवा केली. यात समुहाचे सर्वेसर्वा व खेडमधील कलाक्षेत्रातील अग्रगण्य श्री. विनय माळी, त्यांच्या पत्नी सौ. नमिता माळी तसेच श्री. सचिन पवार, पंकज जाधव, श्री. संजय कांबळे यांनी भक्ती गीते, भावगीते अशी मराठी हिंदी सुश्राव्य गाणी सादर करुन मैफिल सजवली. मुळ गाण्यांचा बाज तसाच ठेवण्याचे कौशल्य या कलावंतांचे वाखाणण्याजोगे ठरले. खेडचे माजी नगराध्यक्ष श्री. वैभव खेडेकर यांनी तसेच अनेकांनी “गणेश आंबुर्ले प्रस्तुत…. पंचम सुर मधूर” चे कौतुक करून शुभेच्छा दिल्या.