खालगाव प्रिमियर लीगतर्फे शिवजयंती दिनी रक्तदान शिबिराचे आयोजन

(जाकादेवी/ वार्ताहर)

रत्नागिरी तालुक्यातील खालगाव प्रिमियर लीग यांच्यातर्फे छत्रपती शिवाजी महाराज यांच्या जयंतीचे औचित्य साधून रविवार दि.१९ फेब्रुवारी रोजीआदर्श प्राथमिक शाळा खालगाव नं. 3 (जाकादेवी)या शाळेत रक्तदान शिबिराचे आयोजन करण्यात आले आहे.

सदरचे रक्तदान शिबीर खालगाव प्रीमियर लीग यांच्यावतीने आयोजित करण्यात आले आहे. हे शिबिर सकाळी १० ते ३ वाजेपर्यंत चालणार आहे.इच्छुक युवकांनी या शिबिरात रक्तदान करावे, असे प्रिमियर लीग तर्फे आवाहन करण्यात आले आहे. रक्तदान हे सर्वश्रेष्ठ दान लक्षात घेऊन परिसरातील नागरिकांनी या रक्तदात्यांनी आपली सामाजिक बांधिलकी जपून रक्तदान करावे, असे आवाहन खालगाव प्रिमियर लीगचे अध्यक्ष प्रशांत पवार यांनी केले आहे.

खालगाव प्रीमियर लीग कला, क्रीडा, सांस्कृतिक, शैक्षणिक, सामाजिक क्षेत्रात अनेक वर्षे उल्लेखनीय कार्य करत आहे. शिवजयंतीचे औचित्य साधून खालगाव प्रिमियर तर्फे या रक्तदान शिबीराचे आयोजन करण्यात आले आहे.