(जाकादेवी / संतोष पवार)
रत्नागिरी तालुक्यातील खालगाव जाकादेवी येथील रहिवाशी मोतिराम दत्ताराम कोळंबेकर यांचे वयाच्या ५२ व्या वर्षी ९ एप्रिल रोजी पहाटे दुःखद निधन झाले.
मोतिराम दत्ताराम कोळंबेकर हे लोहार कामात निष्णांत होते. कोळंबेकर लोहार या नावाने ते परिसरात प्रसिद्ध होते. छोटे- मोठे व्यवसाय करुन त्यांनी मोठ्या हिमतीने आपला संसार उभा केला. शेतीची अवजारे दुरुस्ती कामात त्यांचा हातखंडा होता.अतिशय कष्टाळू, कडक तितकेच प्रेमळ स्वभाव ही त्यांच्या व्यक्तिमत्त्वाची वैशिष्ट्ये होती. त्यांच्या पश्चात पत्नी, तीन मुलगे, सून, नातवंडे असा परिवार आहे.
त्यांच्या अंत्ययात्रेत सर्व स्तरातील नागरिक, नातेवाईक तसेच जाकादेवी बाजारपेठेतील व्यापारी वर्ग मोठ्या संख्येने उपस्थित होता. मोतिराम कोळंबेकर यांच्या अकाली जाण्याने परिसरातून दुःख व्यक्त होत आहे.
