(जाकादेवी/वार्ताहर)
रत्नागिरी तालुक्यातील ग्राम विकास मंडळ वाटद मिरवणे संचलित खंडाळा इंग्लिश मीडियम स्कूलचा डॉजबॉल संघ डेरवण येथे होणाऱ्या जिल्हास्तरीय स्पर्धेसाठी रवाना झाला आहे. 10 डिसेंबर रोजी जिल्हास्तरीय डॉजबॉल स्पर्धा डेरवण येथे होणार आहेत. या स्पर्धेसाठी जिल्ह्यातील अनेक संघ सहभागी होणार आहेत.
खंडाळा येथील डॉजबॉल संघ उपक्रमशील क्रिडाशिक्षक श्री. राजेश जाधव यांच्या मार्गदर्शनाखाली तयार करण्यात आला आहे.
स्वप्निल जाधव यांनी विद्यार्थ्यांचा उत्तमरित्या सराव करून घेतला आहे. संघाच्या चांगल्या कामगिरीसाठी शालेय शिक्षण कमिटी अध्यक्ष श्री. परशुराम जोग, मुख्याध्यापक श्री. आशिष वासावे, लिपिक श्री. मारुती शितप तसेच शिक्षक कर्मचारी यांनी शुभेच्छा दिल्या.
