(कोल्हापुर)
महाराष्ट्रातील कोल्हापुरात एका ट्रकमध्ये 7 ते 14 वयोगटातील 63 मुले सापडल्याने खळबळ उडाली आहे. या सर्व मुलांना बिहार आणि पश्चिम बंगालच्या सीमेवरून आणण्यात आले होते. या मुलांचे आधार कार्ड आणि ओळखपत्रे जप्त करण्यात आली आहेत. चौकशी आणि तपासात ते जवळच्याच मदरशात शिकत असल्याचे समोर आले. उन्हाळ्याच्या सुट्टीत ते आपापल्या गावी गेले होते, तेथून ते रेल्वेने रेल्वे स्टेशनवर पोहोचले. यानंतर त्यांना ट्रकमधून नेले जात होते.
या मुलांशी संबंधित मदरसा शोधून काढण्यात आली आहे. त्या मदरशाच्या मौलानाला पोलिसांनी बोलावले आहे. ट्रकमध्ये एवढ्या मोठ्या प्रमाणात मुले सापडल्याच्या घटनेबाबत पोलीस चौकशी व तपास सुरू झाला आहे.
प्राथमिक माहितीनुसार त्या मुलांना मदरशात पाठवले जात होते. काही हिंदुत्ववादी संघटनांशी संबंधित लोकांना याची माहिती मिळाल्यावर त्यांनी पोलिसांशी संपर्क साधला. त्या मुलांची चौकशी केली असता तसेच त्यांच्याकडून मिळालेल्या कागदपत्रांची छाननी केली असता, त्यापैकी बहुतांश पश्चिम बंगाल आणि बिहारमधून आले असल्याचे आढळून आले.
धक्कादायक:-
कोल्हापूर: आज दुपारी दोन वाजता ६३ लहान मुस्लिम मुले वहातुक करत असलेला सदर ट्रक रुईकर कॉलनीनजीक (कोल्हापूर) येथे पकडला.
सदर मुले बिहारहून आल्याचे सांगत होती, परंतु त्यांच्याकडे पश्चिम बंगाल हून आल्याची रेल्वे तिकटे सापडली.
नागरिकांनी तक्रार करून त्यांना चौकशी करता pic.twitter.com/zlMlYDtjpX— शिवानंद कबाडे (मोदीजी का परिवार) (@sgkabade) May 17, 2023
ही सर्व मुले ज्या मदरशात शिकत आहेत, तेथील मौलानाने ही मुले त्यांच्याच मदरशातील असल्याचे मान्य केले आहे. ही मुले उन्हाळी सुट्टी घालवण्यासाठी आपापल्या गावी गेल्याचेही त्यांनी स्पष्ट केले आहे. कोल्हापूरचे डेप्युटी एसपी मंगेश चव्हाण यांनीही ही मुले कोल्हापुरातील मदरशात शिकतात आणि उन्हाळी सुट्टी व्यतीत करून मूळ गावावरून परतले असल्याचे स्पष्ट केले आहे.
परंतु ट्रकमध्ये एवढ्या मोठ्या संख्येने भरून लहान मुलांना इतक्या लांबून जिल्ह्यातील मदरशात का आणले जात होते? याचा कोणताही सुगावा स्थानिक प्रशासनाला कसा लागला नाही? या मुलांना इथे शिकवण्याचा मदरसाचा काय हेतू होता? असे अनेक प्रश्न उपस्थित होत आहेत. तसेच अशा प्रवासाने मुलांना श्वास घेण्यासही त्रास होऊ शकतो. त्यामुळे या प्रकाराची कसून चौकशी केली जात आहे. तसेच त्यांना जबरदस्ती आणण्यात आलं होतं का? त्यांना ट्रकमध्ये कोंबून का नेलं जात होतं? असे अनेक प्रश्न हिंदुत्तवादी संघटनेने उपस्थित केले असून पोलिसांनी त्याची चौकशी केली पाहिजे अशी मागणी केली आहे.
