केरळमध्ये पसरतोय धोकादायक नोरोव्हायरस ! जाणून घ्या लक्षणे व उपाय

नोरोव्हायरस हा एक अत्यंत संसर्गजन्य विषाणू आहे ज्याला ‘स्टमक फ्लू’ किंवा’ विंटर वोमिटिंग बग’ असेही म्हणतात. हा विषाणू दूषित अन्न, पाणी आणि जमिनीच्या पृष्ठभागावर पसरू शकतो. ओरल-फेशियल मार्गाने हा सर्वात जास्त पसरतो. हा विषाणू सर्व वयोगटातील लोकांना संक्रमित करतो आणि रोटाव्हायरससारखे यामुळे अतिसार होतो. क्रूझ जहाजे, नर्सिंग होम, वसतिगृहे आणि इतर मर्यादित जागांवर विषाणूचा प्रसार सामान्य मानला जातो. नोरोव्हायरसचा सामान्यतः निरोगी लोकांवर कमी प्रभाव पडतो. मात्र, लहान मुले आणि वृद्ध लोकांना संसर्ग झाल्यास गंभीर परिणाम होऊ शकतो. हा विषाणू सांडपाण्याद्वारे पसरतो आणि तो संसर्गजन्यही आहे.

वर्ल्ड हेल्थ ऑर्गनायझेशनच्या मते, डेटा दर्शवितो की नोरोव्हायरस संसर्ग आतड्यांसंबंधी जळजळ, कुपोषणाशी संबंधित आहे. तसेच यामुळे दीर्घकालीन विकृती होऊ शकते. दरवर्षी नोरोव्हायरसची सुमारे ६८५ दशलक्ष प्रकरणे आढळतात असे मानले जाते त्यापैकी २०० दशलक्ष ५वर्षाखालील मुलांमध्ये नोंदवले जातात.

नोरोव्हायरसची लक्षणे काय आहेत
– अतिसार,उलट्या, चक्कर येणे आणि पोटात तीव्र वेदना ही मुख्य लक्षणे आहेत. याशिवाय ताप, डोकेदुखी, अंगदुखी असे आजारही अनेक रुग्णांमध्ये दिसून आले आहेत. विषाणू शरीरात गेल्यानंतर १२ ते ४८ तासांत संसर्ग पसरतो.
– विषाणूची लागण झालेल्या व्यक्तीला २ ते ३ आठवडे उलट्या होतात.

नोरोव्हायरसपासून संरक्षण कसे करावे
स्वच्छता राखल्यास नोरोव्हायरसपासून मोठ्या प्रमाणात संरक्षण केले जाऊ शकते. नोराव्हायरस संसर्ग खाण्यापिण्याद्वारे देखील पसरू शकतो. हा आजार टाळण्यासाठी, कोणत्याही गोष्टीला स्पर्श केल्यानंतर, बाहेरून आल्यानंतर आणि काहीही खाण्यापूर्वी नेहमी आपले हात व्यवस्थित धुणे खूप महत्वाचे आहे.  तसेच अल्कोहोल बेस्ड सॅनिटायझर वापरणेही गरजेचे असल्याचे प्रशासनाने सांगितले आहे.