(रत्नागिरी)
रत्नागिरी शहरातील किर्तीनगर येथे घराचे स्लाईडींग खिडक्या उचकटून चोरट्यांनी सुमारे ४० हजार रूपयांचा मुद्देमाल चोरून नेल्याची घटना ८ एप्रिल रोजी रात्रीच्या सुमारास घडली. याप्रकरणी राहील हुसैन मुकादम ( ४३, रा. अजमेरीनगर रत्नागिरी ) यांनी शहर पोलिसांत फिर्याद दाखल केली. त्यानुसार पोलिसांनी अज्ञाताविरुद्ध गुन्हा दाखल केला आहे.
चोरीला गेलेल्या मुद्देमालामध्ये ४ सिलींग फॅन, शॉवर ड्रायव्हर, इलेक्ट्रिक स्विच बॉक्स, इलेक्ट्रिक सॉकेट, बंडल पोलीकॅम्प, डील मशीन आदींचा समावेश आहे.
पोलिसांनी दिलेल्या माहितीनुसार तक्रारदार यांनी किर्तीनगर येथे नवीन घराचे बांधकाम केले होते. या घराचे स्लाईडींग खिडक्या उचकटून चोरट्यांनी आत प्रवेश केला. तसेच आतील ४० हजार रूपये किमतीचा मुद्देमाल चोरून नेला. अशी तक्रार शहर पोलिसांत दाखल करण्यात आली आहे .
