(दापोली)
शहरानजीक असणाऱ्या खोंडा येथे वॅगनर कार टेलिफोनच्या खांबाला आदळून झालेल्या अपघातात चारजण जखमी झाल्याची घटना गुरुवारी दुपारच्या सुमारास घडली. संतोष हडकर (४५), लीना हडकर (४०), सोहम हडकर, इरफान जरदोस्त (चालक) अशी जखमी झालेल्यांची नावे आहेत.
दापोली पोलिसांच्या माहितीनुसार, इरफान जरदोस्त वॅगनर कारने तिघांना घेऊन दापोलीकडून मुंबईकडे जात होते. ही कार दापोली मच्छीमार्केट सोडून खोंडा परिसरात आली असता चालकाचा कारवरील ताबा सुटला व कार रस्त्याच्या डाव्या बाजूला असणाऱ्या टेलिफोन पोलला धडकली. ही धडक एवढी जोरदार होती की, गाडीचे पुढील बोनेट चेपून नुकसान झाले तसेच गाडीतून प्रवास करणारे चालकासहित चौघेही जखमी झाले. या प्रकरणी चालकावर गुन्हा दाखल करण्यात आला आहे.
