(खेड)
मुंबई गोवा महामार्गावरील जांबुर्डे येथे रस्त्याच्या कडेला उभ्या करून ठेवलेल्या कंटेनरच्या दरवाजाचे कुलूप तोडून चोरट्याने कंटेनर मधील 101 औषधांच्या बॉक्सचे चोरी केल्याची घटना घडली आहे. विशेष म्हणजे या कंटेनरमध्ये चालक स्वतः केबिनमध्ये झोपलेला असताना मागील दरवाजाची कडी तोडून ही चोरी करण्यात आली. याबाबतची फिर्याद चालक मोहम्मद सोसूल अन्सारी याने खेड पोलीस स्थानकात दिली.
पोलिसांनी दिलेल्या माहितीनुसार, मोहम्मद हा जांभुर्डे जवळील शाळेच्या बाजूला कंटेनर उभा करून गाडीत झोपला होता तो झोपल्याची संधी साधत अज्ञाताने कंटेनरच्या पाठीमागील दरवाजाचे कुलूप तोडून कंटेनरमधील 468 बॉक्स पैकी 101 औषधांच्या बॉक्सची चोरी केली. याबाबत चालक मोहम्मद अन्सारी यांनी खेड पोलीस स्थानकात दिलेल्या फिर्यादीनुसार अज्ञात आवर गुन्हा दाखल करण्यात आला आहे.
