(विशाखापट्टणम)
भारताने पाच सामन्यांच्या टी-20 मालिकेला विजयाने सुरुवात केली आहे. विशाखापट्टणम येथे झालेल्या रोमहर्षक सामन्यात भारतानं ऑस्ट्रेलियाचा दोन गडी राखून पराभव केला आहे. ऑस्ट्रेलियाविरुद्धच्या विश्वचषक फायनलमधील पराभवानंतर या विजयामुळे चाहत्यांना थोडा दिलासा मिळणार आहे. या विजयासह टीम इंडियाने मालिकेत 1-0 अशी आघाडी घेतली आहे. दुसरा सामना रविवारी (26 नोव्हेंबर) तिरुवनंतपुरमच्या ग्रीनफिल्ड इंटरनॅशनल स्टेडियमवर होणार आहे.
भारताचा टी २० मधील नवा फिनिशर रिंकू सिंह याने ऑस्ट्रेलियाविरोधात थरारक विजय मिळवून दिला. अखेरच्या चेंडूपर्यंत रंगलेल्या सामन्यात रिंकूने षटकार ठोकत भारताला विजय मिळवून दिला. अखेरच्या षटकात ऑस्ट्रेलियाने जोरदार कमबॅक केले. भारताच्या तीन फलंदाजांना त्यांनी तंबूत पाठवले. त्यामध्ये अक्षर पटेलचाही समावेश होता. सामना फसला असे वाटत होते. पण रिंकूने आपल्या खास स्टाईलने सामना संपवला. रिंकूने षटकार ठोकत भारताला थरारक विजय मिळवून दिला.
अखेरच्या षटकात नाट्यमय घडामोडी; रिंकू सिंगचा विजयी षटकार भारताच्या धावांमध्ये मोजला जाणार नाही
भारताला विजयासाठी अखेरच्या षटकात सात धावांची आवश्यकता होती. रिंकू सिंगने पहिल्याच चेंडूवर चौकार ठोकून विजयाकडे भारताची गाडी नेली. पण दुसऱ्या चेंडूवर एक धाव काढून त्याने अक्षर पटेलला फलंदाजीची संधी दिली. परंतु, मोठा फटका मारण्याच्या प्रयत्नात अक्षर बाद झाला. चौथ्या चेंडूवर रवी बिश्नोई बाद झाला तर त्याच्या पुढच्या चेंडूवर अर्शदीप सिंग धावबाद झाला. अखेरच्या चेंडूवर भारताला विजयासाठी एक धाव हवी होती. लक्षणीय बाब म्हणजे अखेरच्या चेंडूवर षटकार खेचून रिंकू सिंगने भारताच्या विजयावर शिक्कामोर्तब केला. शेवटचा चेंडू नो बॉल असल्याने रिंकूला षटकार मारूनही सहा धावा मिळाल्या नाहीत. कारण अखेरचा चेंडू हा नो बॉल होता आणि भारताला एका चेंडूत एक धाव हवी होती. जेव्हा नो बॉल पडला तेव्हाच भारताला विजय मिळाला होता. त्यानंतर रिंकूने षटकार मारला आणि त्यामुळेच यापूर्वीच भारत नो बॉलमुळे जिंकल्यामुळे रिंकूचा सिक्स हा भारताच्या धावफलकात नियमानुसार दिसणार नाही.
सूर्यकुमार आणि ईशान किशन यांनी झंझावती अर्धशतके ठोकली. पण त्यानंतर भारताची फलंदाजी ढेपाळली. एकापाठोपाठ एक फलंदाज तंबूत परतले. पण रिंकूने आपल्या खास स्टाईलने सामना संपवला. अखेरच्या षटकात तर भारताचे तीन फलंदाज बाद झाले होते. एकीकडे विकेट पडत असताना रिंकू दुस-या बाजूला खंबीर उभा होता. शेवटच्या चेंडूवर रिंकूने षटकार मारत ऑस्ट्रेलियाचा पराभव केला.
सूर्या आणि ईशान किशन बाद झाल्यानंतर भारताची फलंदाजी ढेपाळली. एकापाठोपाठ एक विकेट गेल्या. तिलक वर्मा १२ धावा काढून बाद झाला. अक्षर पटेल दोन धावांचे योगदान देऊ शकला. रवि बिश्नोई आणि अर्शदीप यांना खातेही उघडता आले नाही. एका बाजूला विकेट पडत असताना दुस-या बाजूला रिंकूने फिनिशिंग केले. अखेरच्या षटकात भारताने तीन विकेट्स गमावल्या. पण रिंकून हार मानली नाही. त्याने षटकार मारुन टीम इंडियाला विजय मिळवून दिला. रिंकूने १४ चेंडूत २२ धावांची खेळी केली.
अखेरच्या चेंडूपर्यंत रंगलेल्या थरारक सामन्यात भारताने ऑस्ट्रेलियाचा दोन विकेटने पराभव केला. ऑस्ट्रेलियाने दिलेल्या २०९ धावांचे आव्हान भारताने अखेरच्या चेंडूवर दोन विकेट राखून पूर्ण केले. फिनिशर रिंकूने षटकार ठोकत भारताला विजयी केले. त्याआधी सूर्यकुमार यादव आणि ईशान किशन यांनी झंझावती अर्धशतके ठोकली. ऑस्ट्रेलियाकडून तनवीर संघा याने दोन विकेट घेतल्या. जोश इंगिश याने ठोकलेल्या झंझावाती शतकाच्या बळावर ऑस्ट्रेलियाने २०८ धावांचा डोंगर उभारला होता.
