भारताचे पंतप्रधान नरेंद्र मोदी सध्या ऑस्ट्रेलिया दौऱ्यावर आहेत. याप्रसंगीचा पंतप्रधान नरेंद्र मोदी यांचा एक फोटो सोशल मीडियावर चांगलाच व्हायरल होत आहे. या फोटोमध्ये भारतीय पंतप्रधान ऑस्ट्रेलियन क्रिकेटर्ससोबत दिसत आहेत. ऑस्ट्रेलियन कसोटी संघाचा कर्णधार पॅट कमिन्सशिवाय माजी कर्णधार स्टीव्ह वॉ पीएम मोदींसोबत दिसत आहेत.
सोशल मीडियावर व्हायरल झालेल्या फोटोमध्ये पॅट कमिन्सशिवाय माजी कर्णधार स्टीव्ह वॉ भारताचे पंतप्रधान नरेंद्र मोदींशी हस्तांदोलन करताना दिसत आहे. ऑस्ट्रेलियन क्रिकेटर्स भारतीय पंतप्रधानांना भेटत असल्याचे फोटो सोशल मीडियावर चांगलेच चर्चेत आले आहेत. यूजर्स वेगवेगळ्या कमेंट करून आपली प्रतिक्रिया देत आहेत.
Steve Waugh, Pat Cummins with Prime Minister Narendra Modi. pic.twitter.com/51umb92NJh
— Johns. (@CricCrazyJohns) May 24, 2023
वर्ल्ड टेस्ट चॅम्पियनशिपचा अंतिम सामना भारत आणि ऑस्ट्रेलिया यांच्यात होणार आहे. हा सामना ७ जूनपासून ओव्हलच्या मैदानावर सुरू होईल. या WTC फायनलसाठी हेड कोच राहुल द्रविडसह विराट कोहली आणि एकूण १० भारतीय खेळाडू इंग्लंडला रवाना झालेआहेत. भारतीय संघ सलग दुसऱ्यांदा वर्ल्ड टेस्ट चॅम्पियनशिपच्या अंतिम फेरीत पोहोचला आहे.
