(रत्नागिरी / प्रतिनिधी)
पोलीस उपनिरीक्षक पदी निवड झालेल्या नीलम विजय जाधव हिचे भीम युवा पँथर या सामाजिक संघटनेच्या वतीने सोमवारी ( दिनांक 10 जुलै 2023) पुष्पगुच्छ देऊन सत्कार करण्यात आला. नीलमचे हे सुयश रत्नागिरीकरांसाठी कौतुकास्पद आहे.
राज्य लोकसेवा आयोगातर्फे (MPSC) घेण्यात आलेल्या PSI राज्यसेवा परीक्षेचा निकाल जाहीर झाला. यामध्ये रत्नागिरी येथील आंबेडकरवाडीतील निवृत्त सहाय्यक पोलीस फौजदार विजय जाधव यांची मुलगी नीलम जाधव हिने गगनभरारी घेत एमपीएससीची परिक्षा उत्तीर्ण झाली. तिची PSI या पदावर निवड झालीं असून नीलमने अधिकारी होण्याचे स्वप्न उराशी बाळगले आणि तिने यात स्वत: ला सिद्ध करुन दाखवले. निलम जाधव हीच्या यशाबद्दल सर्व स्तरातून तिच्यावर कौतुकाचा वर्षाव होत आहे.
या पार्श्वभूमीवर भीम युवा पँथर या सामाजिक संघटनेच्या पदाधिकाऱ्यांनी नीलमच्या निवासस्थानी भेट घेत तिचा पुष्पगुच्छ देवून सत्कार केला. तसेच निलमला पुढील वाटचालीसाठी शुभेच्छा देखील दिल्या. यावेळी भीम युवा पँथर संघटनेचे अध्यक्ष प्रितम आयरे, कार्याध्यक्ष अमोल जाधव, शरद सावंत, रविंद्र पवार, दिपक जाधव, समीर जाधव, सिद्धार्थ कांबळे, शशिकांत कांबळे, जाधव सर आदी ऊपस्थित होते.
