(मुंबई)
अभियांत्रिकी, वैद्यकीय, औषध निर्माणशास्त्र, कृषी इत्यादी व्यावसायिक अभ्यासक्रमाच्या प्रवेशासाठी महत्त्वाच्या असलेल्या एमएचटी सीईटी पीएसएम ग्रुपची परीक्षा ९ मे पासून विविध सत्रात सुरू होणार आहे. या परीक्षेची हॉलतिकिटे सीईटी सेलने संकेतस्थळावर उपलब्ध करून दिली आहेत.
या परीक्षेसाठी यंदा ६,१९,०३३ उमेदवारांनी नोंदणी केली आहे. यात पीसीबी ग्रुपसाठी २, ९५,८४४ आणि पीसीएम ग्रुपसाठी ३,२३, १८९ उमेदवारांनी नोंदणी केली आहे. त्यापैकी पीसीएम ग्रुपसाठी नोंदणी केलेल्या उमेदवारांची परीक्षा मंगळवारपासून सुरू होणार आहे व १३ मे रोजी संपणार आहे. तर पीसीबी ग्रुपची परीक्षा १५ मेपासून सुरू होणार असून २० में रोजी संपणार आहे.
