( चिपळूण )
चिपळूण तालुक्यातील उर्दू माध्यमातील शिक्षकांसाठी सावर्डे पिंपळ मोहल्ला उर्दू शाळेत शिक्षण परिषद बुधवार दि. १९ ऑक्टोबर रोजी अत्यंत उत्साहात, खेळीमेळीच्या वातावरणात पार पडली. कार्यक्रमाची सुरुवात अ. कादिर तांबे यांच्या हम्दपठणाने तसेच फय्याज सुर्वे यांच्या सुरेल आवाजात नआत पठणाने झाली.
पिंपळ मोहल्ला सावर्डे शाळेचे मुख्याध्यापक मुजाहिद मेयर यांनी सावर्डे बीट विस्तार अधिकारी सशाली मोहिते मॅडम, कार्यक्रम पर्यवेक्षक नसरीन खडस, अशफाक पाते, जयश्री गावडे, शिक्षण विभाग विषय तज्ञ गुणदेकर, मार्गदर्शक परवेझ चिपळूणकर, नाझिया दुंडगे, चिपळूण तालुका उर्दू शिक्षक संघटना अध्यक्ष ताज खान, सावर्डे जमातुल मुस्लिमीन अध्यक्ष इस्लामुद्दीन भोंबल, सावर्डे ग्रामपंचायत सदस्य मैनुद्दीन खलपे, सामाजिक कार्यकर्ते अ. कादिर भोंबल, उद्योजक तौसिफ खलपे यांचे पुष्पगुच्छ देऊन स्वागत केले. तसेच सर्व शाळांच्या मुख्याध्यापकांचे तसेच सर्व शिक्षकांचे गुलाब पुष्प देऊन स्वागत केले.
शिक्षणात नाविन्यपूर्ण उपक्रम राबविण्या बाबत, विद्यार्थ्यांना शिक्षणा बाबत गोडी निर्माण होण्या बाबत, रचनात्मक, सहकारात्मक, सहअध्यात्मक शिक्षण, तसेच नवीन तंत्रज्ञानाच्या सहाय्याने दर्जेदार शिक्षण कसे दिले जावे या बाबत सावर्डे बीट विस्तार अधिकारी मोहिते मॅडम यांनी उत्तम उदाहरणासह अत्यंत उपयुक्त आणि अत्यंत खेळीमेळीच्या वातावरणात माहिती दिली. मोहिते मॅडम यांनी दिलेली माहिती सर्व शिक्षकांना पर्वणीच ठरली.
शिक्षण पद्धती मध्ये काळानुसार होणाऱ्या बदलाबाबत दुंडगे मॅडम यांनी माहिती दिली. परवेझ चिपळूणकर यांनी आपले प्रकल्प यशस्वीपणे कसे राबवावेत. विद्यार्थ्यांना प्रकल्पात कसे समाविष्ट करून घ्यावेत. या बाबत सखोल मार्गदर्शन केले. विषय तज्ञ गुणदेकर मॅडम यांनी माता पालक समिती पासून विद्यार्थ्यांना होणारे फायदे विषद केले. नसरीन खडस मॅडम यांनी शिक्षणात शैक्षणिक साहित्याची निर्मिती आणि त्याचा योग्य वापर कशा प्रकारे करावा याबाबत माहिती दिली. अशफाक पाते यांनी विद्यार्थ्यांच्या कला गुणांना ओळखून त्या विद्यार्थ्यास योग्य मार्गदर्शन आणि त्या विद्यार्थ्यास प्रोत्साहन देण्या बाबत विस्तृत माहिती दिली.
अशा प्रकारे अत्यंत खेळीमेळीच्या वातावरणात उर्दू शिक्षण परिषद पार पडली.
उपस्थितांचे, व्यवस्थापन करणारे शिक्षक मुजाहिद मेयर, फौजिया कुरेशी, परवीन गडकरी, अस्मीना पांगारकर तसेच हुमेरा मॅडम यांनी उत्तम व्यवस्था केल्यामुळे नसरीन खडस यांनी आभार मानले.
