(जाकादेवी / वार्ताहर)
उद्धव बाळासाहेब ठाकरे शिवसेनेच्या उपतालुकाप्रमुखपदी पंचायत समितीचे सक्रिय सदस्य युवा नेते श्री.अभय खेडेकर यांची निवड करण्यात आली आहे.
शिवसेना सचिव, गटनेते तथा खासदार विनायक राऊत, शिवसेना उपनेते तथा आमदार श्री. राजन साळवी, जिल्हाप्रमुख श्री.विलास चाळके शिवसेना तालुकाप्रमुख तथा नगराध्यक्ष श्री.बंड्याशेठ साळवी यांनी शिवसेनेचे निष्ठावान कार्यकर्ते अभय खेडेकर यांची एकमताने निवड केली.
२०१२ मध्ये अभय खेडेकर यांनी करबुडे पंचायत समिती गणातून विक्रमी मतांनी विजय संपादन केला होता. विशेष म्हणजे अभय खेडेकर यांनी यापूर्वी शिवसेनेचे शाखाप्रमुख, उपविभाग प्रमुख, ग्रामपंचायत सदस्य, उपसरपंच, सरपंच पदांची समर्थपणे जबाबदारी पार पाडत असतानाच त्यांनी वि.का.स. सोसायटीचे चेअरमन, शिवसेना विभाग संघटक सन २००४ ते २०१७ या कालखंडामध्ये त्यांनी उपतालुकाप्रमुख म्हणून उल्लेखनीय व उठावदार काम केले आहे. शिवसेनेचा सक्षम कार्यकर्ते म्हणून त्यांनी खूप ताकदीने काम केले आहे.
अभय खेडेकर यांचे उत्तम संघटन व कर्तबगारी पाहून अभय खेडेकर यांची पुन्हा एकदा शिवसेना उद्धव बाळासाहेब ठाकरे पक्ष वाढवण्यासाठी उपतालुकाप्रमुख म्हणून निवड करण्यात आली आहे. या निवडीबद्दल शिवसैनिकांत चैतन्य निर्माण झाले आहे.
