(चिपळूण / प्रतिनिधी)
नवकोंकण एज्युकेशन सोसायटीच्या डीबीजे महाविद्यालयाच्या मराठी विभागातर्फे ‘उत्सव माय मराठीचा ‘या उपक्रमांतर्गत विविध कार्यशाळा व स्पर्धांचे आयोजन करण्यात आले होते. या स्पर्धेचा नुकताच बक्षीस वितरण समारंभ महाविद्यालयाचे प्राचार्य डॉ. माधव बापट यांच्या उपस्थितीत संपन्न झाला. यावेळी म.सा.प.चे अध्यक्ष प्रा.गोणबरे, भावार्थचे प्रतिनिधी विवेक कदम ,उपप्राचार्य प्रा.नामदेव तळप, पर्यवेक्षिका सौ. स्नेहल कुलकर्णी आदी मान्यवर उपस्थित होते.
‘उत्सव माय मराठीचा ‘या उपक्रमांतर्गत प्रा.विनायक बांद्रे व स्नेहल कुलकर्णी यांनी सूत्रसंचालनाची कार्यशाळा घेण्यात आली .तसेच आंतरमहाविद्यालयीन कथा लेखन स्पर्धा, जाहिरात लेखन स्पर्धा, निबंध लेखन स्पर्धा घेण्यात आली .त्याचप्रमाणे राज्यस्तरीय काव्यवाचन स्पर्धा, लोकगीत स्पर्धा व पुस्तक परीक्षण-वाचन स्पर्धा घेण्यात आली. या स्पर्धांमध्ये कथालेखन स्पर्धेत ‘कृतज्ञता’ मानसी करंदीकर यांनी प्रथम क्रमांक, ‘देवदासी -मुरळी,’ अनिता खताते द्वितीय क्रमांक,’ कुठे हरवला तो’ श्रद्धा केतकर यांनी तृतीय क्रमांक पटकावला.तर निबंध लेखनामध्ये गोगटे-जोगळेकर महाविद्यालयाच्या विद्यार्थिनी गिरिजा चितळे हिने प्रथम क्रमांक, डीबीजेची मुक्ता पवार द्वितीय, डीबीजेचा आदित्य तांमुडकर यांनी तृतीय क्रमांक पटकावला. तर राज्यस्तरीय काव्यवाचन स्पर्धेत डीबीजेची लीना राजेशिर्के प्रथम क्रमांक ,श्रीमती विद्या तांबे यांनी द्वितीय क्रमांक पटकावला, तर स्वाती गोरे यांनी तृतीय क्रमांक प्राप्त केला. भारतजीवन प्रभुखोत व प्राची तांबे यांना उत्तेजनार्थ पारितोषिक देण्यात आले.
राज्यस्तरीय पुस्तक परीक्षण -वाचन स्पर्धेत देवरुख कॉलेजची कुमारी कीर्ती पंडित हिने प्रथम क्रमांक पटकाविला ‘नदिष्ट ‘या कादंबरीचे तिने परीक्षण केले होते. तर कोल्हापूर येथील भारतजीवन प्रभुखोत यांनी द्वितीय क्रमांक पटकाविला. त्यांनी ‘उजव्या सोंडेच्या बाहुल्या’चे परीक्षण केले होते. तर ‘टाटायन’ या पुस्तकाचे परीक्षण करणारे मयुरेश सरदेसाई यांनी तृतीय क्रमांक प्राप्त केला. या संपूर्ण स्पर्धेचे प्रा.सौ.प्राजक्ता चितळे, सौ. प्रेमा जगताप, प्रा. गिरीराज पांडे, सौ. मनीषा दामले, प्रा .प्रदीप मोहिते, प्रा .विठ्ठल कोकणी,प्रा.सौ. संगीता जोशी,प्रा.विनायक बांद्रे यांनी या संपूर्ण स्पर्धेचे परीक्षणाचे काम पाहिले.
म.सा.प.चे अध्यक्ष श्री. गोणबरे यांनी आपल्या मनोगतामध्ये म.सा.प. व डीबीजे महाविद्यालय अशा प्रकारची एक चांगली भाषिक चळवळ कोकणामध्ये उभी करू शकतो. यासाठी महाविद्यालयाला सर्व प्रकारचे सहकार्य देण्यासाठी आम्ही तयार आहोत अशी भावना व्यक्त केली. प्राचार्य माधव बापट यांनी विजेत्या स्पर्धकांचे अभिनंदन केले मराठी विभागाने एक चांगली स्पर्धा आयोजित केली त्याबद्दल मराठी विभागाचे कौतुक केले. सदर स्पर्धा यशस्वी करण्यासाठी मराठी विभाग प्रमुख प्रा.राजरत्न दवणे, प्रा.सौ. तृप्ती यादव, प्रा. गिरीराज पांडे, प्रा. विठ्ठल कोकणी यांनी विशेष परिश्रम केले. याचप्रमाणे आदित्य तामुंडकर, अनुप सूर्यवंशी, मनीष पवार, प्रणित शिगवण, रविराज मोहिते, संघर्ष जाधव, सोहम चौगुले, महादेव देसाई, विणा मेहेंदळे, मिस्बा इनामदार, अंकित शिंदे, सुशील कांबळे यांनी विशेष परिश्रम घेतले. या कार्यक्रमाचे सूत्रसंचालन व आभार प्रा. विनायक बांद्रे यांनी मानले.
