रत्नागिरी : जागतिक डॉक्टर दिनानिमित्त इन्फिगो आय केअर व जय हो प्रतिष्ठान यांच्या संयुक्त विद्यमाने महिला रुग्णालय रत्नागिरी येथे जाऊन कोरोना रुग्णांसाठी देवदूताप्रमाणे काम करणाऱ्या डॉक्टरांचा सत्कार करण्यात आला.
डॉ. संघमित्रा फुले, जिल्हा शल्य चिकित्सक, रत्नागिरी, डॉ. अनिरुद्ध आठल्ये, तालुका अधिकारी डॉ. गावडे यांचा सत्कार करण्यात आला. रत्नागिरीतील विविध कोविड केअर सेंटर मध्ये जाऊन 100 डॉक्टरांचा तसेच कोविड योद्ध्यांचा सत्कार केला गेला. यावेळी जय हो प्रतिष्ठानचे राजू भाटलेकर, इन्फिगो आय केअरचे डॉक्टर श्रीधर ठाकूर यांच्यातर्फे प्रमाणपत्र, पुष्पगुच्छ व मिठाई देऊन या कोविड योद्ध्यांचा सत्कार करण्यात आला.
