(पाटपन्हाळे /वार्ताहर)
गुहागर तालुक्यातील जानवळे गावची सुकन्या कु. आर्या ओंकार संसारे हिला राज्यस्तरीय फिल्ड इनडोअर आर्चरी स्पर्धेमध्ये सुवर्ण पदक मिळाल्याने महाराष्ट्र नवनिर्माण सेना गुहागरच्या वतीने शृंगारतळी येथील मनसे जनसंपर्क कार्यालय येथे गुहागर संपर्क अध्यक्ष श्री प्रमोद गांधी यांच्या मार्गदर्शनाखाली गुहागर विधानसभा क्षेत्र उपजिल्हाध्यक्ष विनोद जानवळकर व तालुकाध्यक्ष सुनील हळदणकर यांच्या हस्ते शाल व पुष्पगुच्छ व भेट वस्तू देऊन सत्कार करण्यात आला.
या कार्यक्रमाला विभाग अध्यक्ष प्रसाद विखारे, मुंढर शाखा अध्यक्ष सुजित गांधी, उद्योजक ओंकार संसारे, रुची संसारे,अंतिम संसारे, अभिषेक संसारे, उमेश संसारे, मानसी खातू, सचिन संसारे आदी मान्यवर उपस्थित होते. महाराष्ट्र नवनिर्माण सेना गुहागरच्या जनसंपर्क कार्यालय शृंगारतळी येथे श्री प्रभू रामचंद्र यांच्या प्रतिमेचे पूजन कार्यक्रम आयोजित करण्यात आला होता. याप्रसंगी कु. आर्या संसारे हिचा सत्कार करण्यात आला.
