(रत्नागिरी)
रत्नागिरी शहरातील आरोग्य मंदिर येथे रविवारी रात्री 10.30 वाजण्याच्या सुमारास बुलेटने चारचाकी होंडा सिटीला जोरदार धडक दिल्याने मोठा अपघात झाला. या अपघातात बुलेटवरील तरुणी जखमी असल्याचे समजत आहे. तिला उपचारासाठी दाखल करण्यात आले आहे.
सविस्तर वृत्त असे की, मारुती मंदिरहून कुवारबावच्या दिशेने एक बुलेटस्वार निघाला होता. आरोग्य मंदिर येथे आला असता येथील रस्त्यावरून टर्न मारणाऱ्या होंडा सिटी कारला जोरदार धडक दिली. या धडकेत बुलेटवरील तरुणी रस्त्यावर फेकली गेली. तिला गंभीर दुखापत झाली. उपचारासाठी रुग्णालयात दाखल करण्यात आले आहे. तसेच कारच्या पुढच्या भागाचे मोठ्या प्रमाणात नुकसान झाले आहे.
कारमधील ऑईल रस्त्यावर पडले होते. यावरूनच अपघाताची भीषणता लक्षात येते. रात्री 11 वाजण्याच्या सुमारास पोलिस घटनास्थळी दाखल झाले. वाहतूक कोंडी झाली होती. बघ्यांची गर्दीही वाढली होती.
