( गणपतीपुळे / वैभव पवार )
रत्नागिरी तालुक्यातील तीर्थक्षेत्र असलेल्या गणपतीपुळे येथील आदर्श जिल्हा परिषद प्राथमिक शाळेमध्ये नव्या शैक्षणिक वर्षाच्या पहिल्या दिवशी इयत्ता पहिली ते चौथी तसेच अंगणवाडीतील विद्यार्थ्यांचे मोठ्या जल्लोषात स्वागत करण्यात आले.
यावेळी आदर्श जिल्हा परिषद शाळा गणपतीपुळे या शाळेत इयत्ता पहिली मध्ये आलेल्या नवागतांचे स्वागत शाळा व्यवस्थापन समितीच्या अध्यक्षा विद्या रानडे यांनी केले. यावेळी विद्यार्थ्यांना पेन्सिल, गुलाबांची फुले, चॉकलेट्स, पेढे आदींचे वाटप करण्यात आले.यानिमित्ताने संपूर्ण शाळेच्या मुख्य दर्शनी भागात रांगोळी काढण्यात आली होती.तसेच सर्व नवीन विद्यार्थ्यांचे स्वागत करताना त्यांच्या डोक्यावर फुलांचा वर्षाव करून औक्षण करण्यात आले.
यावेळी मोठ्या संख्येने विद्यार्थ्यांचे पालक हजर होते. यावेळी शाळा व्यवस्थापन समितीचे अध्यक्ष विद्या रानडे, उपाध्यक्ष मोहन माने शिक्षण तज्ञ विनायक सावंत,गणपतीपुळेचे माजी ग्रामपंचायत सदस्य अमित घनवटकर, अजय ठावरे , महेश चव्हाण, शाळेच्या मुख्याध्यापिका स्मिता जोशी व उपशिक्षक उपस्थित होते.
