[ रत्नागिरी / प्रतिनिधी ]
५० वे विज्ञान प्रदर्शन शिक्षण विभाग पंचायत समिती रत्नागिरी व लक्ष्मी केशव माध्यमिक विद्यालय कसोप फणसोप यांच्या संयुक्त विद्यमाने आयोजित करण्यात आले होतें. रत्नागिरी तालुक्यातील बहुतांश शाळांनी या विज्ञान प्रदर्शनामध्ये सहभाग घेतला होता. विज्ञान प्रदर्शनमध्ये हातखंबा येथील गुरुवर्य अ. आ. देसाई माध्यमिक विद्यामंदिरमध्ये कार्यरत असणाऱ्या प्रयोगशाळा सहाय्यक सौ. आरती गुरुप्रसाद मयेकर यांनी प्रथम क्रमांक पटकावला आहे.
तालुकास्तरीय 50 व्या विज्ञान प्रदर्शनामध्ये सौ. आरती मयेकर यांनी प्रयोगशाळा सहाय्यक या गटामध्ये सहभाग घेऊन तंत्रज्ञान व खेळणी हा विषय मांडला होता. या अल्प खर्चाच्या सहज हाताळता येणाऱ्या त्यांच्या प्रयोगाने बाजी मारत प्रथम क्रमांक पटकावला. यावेळी त्यांना मान्यवरांच्या हस्ते सन्मान चिन्ह व प्रमाणपत्र देऊन गौरवण्यात आले. सौ. मयेकर यांची आता जिल्हास्तरीय विज्ञान प्रदर्शनामध्ये निवड करण्यात आली आहे.
त्यांच्या या यशाबद्दल विद्यार्थी पालक, शिक्षक, प्राध्यापक प्राचार्य, स्थानिक पदाधिकारी, संस्था पदाधिकारी अशा सर्वांनीच अभिनंदनचा वर्षाव केला आहे.
