(रत्नागिरी)
शासकीय चित्रकला ग्रेड परीक्षा एलिमेंटरी व इंटरमिजीएट परीक्षेचा निकाल नुकताच जाहीर झाला. यामध्ये हातखंबातील गुरूवर्य अ. आ.देसाई माध्यमिक विद्यामंदिरचा निकाल 100% लागला आहे. अशी माहिती प्राचार्य श्री. व्ही.जी.परीट यांनी दिली. यासोबत राज्याच्या कला संचालनालयतर्फे याबद्दल माहिती जाहीर करण्यात आली आहे.
इंटरमिजीएट ड्रॉइंग ग्रेड (Intermediate Drawing Grade Result) परिक्षेसाठी हातखंबा विद्यामंदिरच्या २४ विद्यार्थ्यांनी सहभाग नोंदवला होता. एप्रिल दरम्यान ही परीक्षा घेण्यात आली होती. त्यानंतर परीक्षा दिलेले विद्यार्थी या निकालाच्या प्रतीक्षेत होते. मात्र परीक्षेचा निकाल जाहीर झाला असून सहभाग घेतलेले सर्वच विद्यार्थी उत्तीर्ण झाले आहेत.
यामध्ये ग्रेड परीक्षेसाठी 9 तर एलिमेंटरीसाठी 15 विद्यार्थी परीक्षेस बसले होते. सर्व विद्यार्थी पास झाले असून निकाल 100% लागला आहे. या सर्व विद्यार्थीनीना कलाशिक्षक श्री. संदीप शिरतोडे यांचे मार्गदर्शन लाभले आहे. सर्व यशस्वी विद्यार्थ्यांचे कौतुक केले जात आहे.
