(रत्नागिरी)
अप्पर पोलीस अधीक्षक जयश्री देसाई यांचा निरोप समारंभ जिल्हा पोलीस अधीक्षक धनंजय कुलकर्णी यांच्या प्रमुख उपस्थितीत संपन्न झाला. राज्याच्या गृह विभागाने एकूण १०९ वरिष्ठ अधिकाऱ्यांच्या बदल्या केल्या आहेत. गृह विभागाच्या आदेशानुसार रत्नागिरी अप्पर पोलीस अधीक्षक जयश्री देसाई यांची कोल्हापूर येथे बदली करण्यात आली आहे. तर त्यांच्या जागी कोल्हापूरच्या जयश्री गायकवाड ह्या रुजू होणार आहेत.
दरम्यान जिल्ह्यात वाढत्या गुन्हेगारीच्या पार्श्वभूमीवर DYSP देसाई यांनी गुन्ह्याची उकल करण्यात तसेच सायबर क्राईम गुन्हे रोखण्यासाठी जनजागृती मोहीम हाती घेतली होती.देसाई यांनी जिल्ह्यात केलेल्या कामगिरीबद्दल अनेकांनी त्यांची भेट घेऊन कौतुक करत भावपूर्ण वातावरणात त्यांचे स्वागत केले. तसेच पोलीस अधीक्षक धनंजय कुलकर्णी यांनी देखील अपर पोलीस अधीक्षक जयश्री देसाई यांना पुढील वाटचालीकरिता पुष्प-गुच्छ देऊन शुभेच्छा दिल्या.
यावेळी उपविभागीय पोलीस अधिकारी रत्नागिरी सदाशिव वाघमारे, पोलीस अधिकारी, पोलीस अंमलदार व मंत्रालयीन कर्मचारी आदी उपस्थित होते.
