अजित पवार यांची मागील काही दिवसांत अनेक कार्यक्रमांमधील अनुपस्थिती चर्चेचा विषय बनली होती. त्यावरून नाराजीच्या वावड्या उठल्या होत्या. पण आता अजित पवार गटातील प्रफुल्ल पटेल यांनी अजित पवारांना डेंगी/ डेंग्यूची लागण झाल्याचं म्हटलं आहे. ट्वीट करत त्यांनी अजित पवारांच्या हेल्थ बद्दल अपडेटस दिले आहेत. ‘काल अजित पवारांना डेंग्यूची लागण झाल्याचं निदान झालं आहे. पुढील काही दिवस त्यांना आराम करण्याचा डॉक्टरांनी सल्ला दिला आहे. आजारपणातून बाहेर पडल्यानंतर ते पुन्हा लोकांच्या सेवेत रूजू होतील’. असं ट्वीत प्रफुल्ल पटेल यांनी केलं आहे. या ट्वीटमध्ये त्यांनी अजित पवार नाराज असल्याच्या मीडीया रिपोर्ट्सला फेटाळलं आहे.
अजित पवारांवर घरीच उपचार सुरू आहेत. दरम्यान मागील दोन दिवसांपासून ते काही कार्यक्रमांपासून लांब होते. दोन दिवसांपूर्वी अहमदनगर दौर्‍यावर आलेल्या नरेंद्र मोदींसोबत ते व्यासपीठावर दिसले होते.
सध्या राज्यातही डेंग्यूचा प्रकोप वाढत आहे. अनेकांना डेंग्यूची लागण होत आहे. डेंग्यू हा डासांच्या मार्फत होणारा एक विषाणूजन्य आजार आहे. यामध्ये थंडी वाजून ताप येणे, घसा, डोके आणि सांधे दुखणे अशी लक्षणे आढळतात.
Contrary to speculative media reports suggesting that Shri Ajit Pawar is not attending public events, I would like to clarify that he has been diagnosed with dengue since yesterday and has been advised medical guidance and rest for the next few days. Shri Ajit Pawar remains…
— Praful Patel (@praful_patel) October 29, 2023
