(जाकादेवी / वार्ताहर)
रत्नागिरी तालुक्यातील .ग्राम विकास मंडळ वाटद मिरवणे संचलित खंडाळा इंग्लिश मिडीयम स्कूल येथील इयता पहिलीमध्ये शिक्षण घेत असलेला विद्यार्थी अद्वैत जयदीप कळेकर याने अक्षरगंगा प्रज्ञाशोध परीक्षेमध्ये 138 गुण मिळवून जिल्ह्यात दुसरा, तालुक्यात प्रथम व केंद्रात प्रथम क्रमांक पटकावला. तसेच BDS परीक्षेही त्याने गोल्ड मेडल मिळविले.
शाळेतील गुणी, प्रामाणिक, अभ्यासू, हुशार असा हा विद्यार्थी होय.अद्वेत याने उल्लेखनीय व अभिमानास्पद यश मिळविल्याबद्दल त्याचे शालेय शिक्षण कमिटी अध्यक्ष श्री. परशुराम जोग यांनी पुष्पगुच्छ, भेटवस्तू देऊन खास अभिनंदन करून शुभेच्छा दिल्या. अद्वैतचे पालक जयदीप कळेकर हे जयगड पोलीस ठाण्यात उपनिरीक्षकपदी कार्यरत आहेत. यावेळी अद्वैतचे पालक श्री.सौ कळेकर यांचेही संस्थापक अध्यक्ष श्री.विष्णुदत्त निमकर यांनी पुषगुच्छ देवून अभिनंदन केले. अद्वेतला प्रशालेच्या शिक्षकांनी उत्तम मार्गदर्शन केले. मुख्य कार्यकारी अधिकारी श्री.प्रकाश कारखानीस, मुख्याध्यापक श्री.आशिष वासावे, पर्यवेक्षक श्री.शरद पावसकर यांनी अद्वैत याने उज्वल यश संपादन केल्याने त्याचे कौतुक व अभिनंदन केले व भविष्यासाठी शुभेच्छा दिल्या.
