(खेड / इकबाल जमादार)
खेड तालुक्यातील दुर्गम भागात असलेल्या खेड आम्बवली मार्गावरील देवघर गावानजीक रिक्षाला झालेल्या अपघातात नऊ महिला गंभीर जखमी झाल्या आहेत. या सर्व महिला गावातीलच हळदी कुंकुंवाचा कार्यक्रम आटोपून घरी परतत होत्या. रविवारी सायंकाळच्या सुमारास हा अपघात घडला.
मकर संक्रात झाल्यानंतर ठिकठिकाणी हळदीकुंकू कार्यक्रमाला सुरवात होते. रविवारी सायंकाळी देवघर येथील एका वाडीत हळदीकुंकू कार्यक्रम असल्याने याच गावातील काही महिला रिक्षा करून या कार्यक्रमासाठी गेल्या होत्या. हळदीकुंकवाचा कार्यक्रम आटोपून या महिला त्याच रिक्षाने आपल्या वाडीत परतत असताना त्यांच्या रिक्षाला अपघात झाला आणि या अपघातात रिक्षातील सर्वांच्या सर्व 9 महिला गंभीर जखमी झाल्या आहेत.
जखमी महिलांना तात्काळ कळंबणी येथील उपजिल्हा उपचारांसाठी दाखल करण्यात आले असून या ठिकाणी त्यांच्यावर उपचार सुरू आहेत. हळदी कुंकवाचा कार्यक्रम आटोपून घरी परतणाऱ्या महिलांच्या रिक्षाला अपघात होऊन नऊ महिला जखमी झल्याचे वृत्त समजताच ग्रामस्थांनी कळंबणी उपजिल्हा रुग्णालयातकडे धाव घेतली. खेड पोलिसांनी या अपघाताची नोंद केली असून खेड पोलीस या प्रकरणी अधिक तपास करत आहेत.
