(रत्नागिरी)
लोकमत आयोजित श्रावण सोहळा २६ऑगस्ट रोजी सावरकर नाट्यगृहात उत्साहात पार पडला. सातशेहून अधिक महिलांनी याचा आनंद घेतला. या कार्यक्रमात स्टार प्रवाह ची महाराणी, सुगरण स्पर्धा, वेशभुषा स्पर्धा अशा अनेक स्पर्धा घेण्यात आल्या.
कार्यक्रमाचे मुख्य आकर्षण असलेली स्टार प्रवाहची महाराणी ही स्पर्धा खूपच रंगतदार झाली. या मध्ये मांडवी येथील सौ. संगीता मंगेश फणसेकर यांनी आपल्या हुशारीने बाजी मारली. एक अतिशय अवघड वाक्य एकदा ऐकून न चुकता म्हणणे, संगीत खुर्ची व अंतिम फेरीतील प्रपोज करणे या तीनही फेऱ्या त्यांनी अतिशय सहजतेने जिंकून स्टार प्रवाह ची महाराणी हा किताब जिंकला.
स्टार प्रवाह वाहिनी च्या सचित पाटील व गौरी कुळकर्णी यांच्या हस्ते मनाचा फेटा व पैठणी देऊन त्यांना सन्मानित करण्यात आले. त्यांच्या या यशाबद्दल कुटुंबीय, मित्र मैत्रीणी, नातेवाईक व तमाम भगिनिंकडून अभिनंदन केले जात आहे.
