(पाचल / तुषार पाचलकर )
राजापूर तालुक्यातील सौंदळ पाटीलवाडी येथील ग्रामस्थ दीपक चव्हाण यांच्यावर गुरुवारी रात्री आठ वाजता सौंदळ पाटील वाडी येथे बिबट्याने हल्ला केला. या हल्ल्यात त्यांच्या उजव्या हाताला गंभीररित्या जखमी केले आहे.
सदरची घटना समजताच उदय हळदणकर या त्यांच्या मित्राने व रायपाटण गावचे तरुण प्रकाश पाठाडे यांनी तात्काळ ग्रामीण रुग्णालय रायपाटण येथे उपचारासाठी दाखल केले. सदर घटनेबाबत वन विभागाचे अधिकारी सदानंद घाडगे यांना कळवताच त्यांनी तात्काळ रायपाटण रुग्णालय येथे जाऊन जखमीची चौकशी करून योग्य ती कार्यवाही करण्याचे आश्वासन दिले.
