सूर्यास्तानंतर ‘या’ गोष्टी करण्याचे कटाक्षाने टाळा, देवी लक्ष्मीची होते अवकृपा !

(जीवन साधना)

सर्वच धर्मात दानधर्म उत्तम मानला जातो. दानधर्म करणे हे खूप समाधान देणारे आहे आणि त्याचे जीवनात महत्त्वही अधिक आहे. कोणाच्या घरी पूजा, हवन किंवा कोणतेही शुभ कार्य असल्यास दान केले जाते. शास्त्रानुसार असे मानले जाते की, तुमच्या इच्छेनुसार दान केल्याने तुम्हाला धनच नाही तर पुण्यही मिळते. त्यामुळे शास्त्रानुसार दिवसाच्या कोणत्याही वेळेत दान करावे, परंतु सूर्यास्तानंतर चुकूनही दान करू नये, तर उधार बिलकुल देऊ नये. मग ती कितीही जवळची व्यक्ती असो. असे केल्याने लक्ष्मी तुमच्या घरातून ज्या व्यक्तीला तुम्ही दान केले आहे त्या व्यक्तीच्या घरी जाते असे मानले जाते. असेही मानले जाते की संध्याकाळी शेजाऱ्यांकडून किंवा आप्तजनांकडून काहीही घेणे हे एक प्रकारचे उधार मानले जाते, असे घेणेही वाईट समजले जाते. सूर्यास्तानंतर खालील कोणत्याही वस्तूंचे दान शक्यतो करू नये.

हळद

शास्त्रानुसार संध्याकाळी कोणीही हळद दान करू नये. कारण हळद गुरूचा कारक आहे असे मानले जाते. म्हणून संध्याकाळी दान केल्याने आपला गुरु कमजोर होईल आणि तुमच्या घरातील धन आणि धान्याची हानी होण्याची शक्यता असते.

दूध

दूध सूर्य आणि चंद्राशी संबंधित आहे. वास्तूशास्त्रानुसार हा देवी लक्ष्मी आणि विष्णूचा कारक आहे. यासाठी संध्याकाळी दूध दान करू नये. यामुळे पैशाचे नुकसान होते.

दही

दही हे शुक्राशी संबंधित आहे, जो धन आणि भौतिक सुखाचा कारक आहे. संध्याकाळी या गोष्टींचे दान केल्यास घरात लक्ष्मी आणि शांती कधीच वास राहत नाही.

पैशाचा व्यवहार

शास्त्रानुसार सूर्यास्तानंतर कोणत्याही प्रकारच्या पैशाच्या व्यवहारापासून स्वतःचे संरक्षण केले पाहिजे. कारण असे केल्याने  लक्ष्मी तुमच्यावर कृपा करणे थांबवते असे मानले जाते.

कांदा-लसूण 

कांदा-लसूण संध्याकाळी देऊ नये असे शास्त्रानुसार सांगण्यात आले आहे. ते केतू ग्रहाशी संबंधित आहेत. त्यामुळे संध्याकाळी या गोष्टी दिल्यास नकारात्मक ऊर्जा घरात राहू लागते.

टीप : या लेखात दिलेली माहिती सर्वसामान्य समजुतीवर आधारित आहे.